अंगणातील तुळस मराठी कविता Marathi kavita, Poem

अंगणातल्या तुळशीला
पाणी मी घालते
रोज मनोभावाने
तिची पुजा करते

सकल विश्वामध्ये
पवित्र तुळस असते
तिच्याशिवाय शुध्द
जगी कुणीच नसते

तुळशीपुढे दिवा 
नित्यनेमाने लावते
अखंड सौभाग्याचे
दान मी मागते

करता तुळशी पूजन
भय सगळे पळून जाते
सुख समाधानाने जसे
घर उजळून निघते

तुळशीचा स्पर्श
दोष हरून जाती
अक्षय समृद्धीची
होईल प्राप्ती

सौ. प्रिती भालेराव, पुणे