आली कुठून कशी ही महावारी
माणसांना केलं तिने हैराण
रोजचं जगणं केलं मुश्कील
माणूस झाला खूप परेशान
घराबाहेर पडताना नेहमी
मास्क लावून पडावं लागतं
जे काही चालू आहे सध्या
उघड्या डोळ्यांनी पहावं लागतं
अगणित लोकांना हिने पिडलं
बऱ्याच जणांना कोरोना झाला
सहन करणं खूप कठीण झालं
नात्यांमध्ये केवळ दुरावा आला
दुरवर ऐकली बातमी तोवर ठीक
कोरोना आपल्या घरात आला
त्रास होतोय जवळच्या व्यक्तींना
खरा काय रोग आहे तो कळला
आपलीच माणसं आपल्याला
परकेपणा दाखवू लागली
दवाखान्यात ऍडमिट केलं
कुणीच कुणाला नाही भेटली
एक डोस खरचं काय असतो
खरी किंमत तेव्हा त्याची कळली
होणारा त्रास सहन केला खूप
मिळण्यास इंजेक्शन तळमळली
अनेकांचा त्रास पाहू वाटत नव्हता
दुःख आणि तळमळ खूप वाटली
स्मशान भुमीत प्रेतांच्या राशी
सगळी दुनिया जशी हळहळली
सौ. प्रिती भालेराव, पुणे
