धाव धाव रे विठ्ठला
सोड आता रे ती वीट
कर मानव जन्माची
घडी सावळ्या तू नीट
धीचेच प्रश्न सारे
हुंडाबंदी, भ्रूणहत्या
सोडविण्या काढ कर
थांबव बा आत्महत्या...
जग आज थांबले रे
पाहे डोळे उघडून
आत्मा एकेक चालला
आम्हां सर्वांना सोडून
त्रासलेत तुझे भक्त
तरी आलेत पंढरी
नको रागावू आम्हांस
चुकलीच गत वारी
तुच रे आमचा बाप
तुच आमुची माऊली
संकटातूनी वाचण्या
दे तू भक्तांना सावली
सौ. जयश्री अविनाश जगताप,
सातारा
