विसरलास उपकार मायबापाचे
चांगले पांग फेडलेस वात्सल्याचे ||१||
अमाप कष्ट उपसून केले संगोपन
तरी नाही गुंतले का रे तुझे मन? ||२||
पाश तोडले सारे एका क्षणात
आम्ही आहोत तुझ्याच हृदयात ||३||
आमची जबाबदारी नाकारलीस
स्वप्न सारी बेचिराख रे केलीस ||४||
वृद्धाश्रमात आम्हां आणून सोडले
कोणता गुन्हा घडला? नाते तोडले ||५||
आमच्या जगण्याची तूच होतास आस
तुझेचं होताहेत आम्हांला नित्य भास ||६||
बाळा, आमची काही हरकत नाही
तुझ्या सुखातच आमचे सुख राही ||७||
सौ. शितल बाविस्कर -राणेराजपूत,
जळगाव
