मी आहे एक शिक्षिका बाई
शाळेत जायची मला सदा घाई
उठता बसता शाळा मनी येई
शाळेविना मुळी करमत नाही...1
नवीन उपक्रम राबविले ग सई
उपक्रमाने नाविन्य अध्यापनात येई
अध्यायानार्थी उत्साही च राही
सक्रिय राहण्याचा वसा मी घेई....2
सावित्रीची लेक आहे ग मी बाई
याचे भान मला सदैव च राही
कुकर्म माझ्याकडून घडू नये काही
प्रार्थना मनी सदैव करीत राही..3
पाहता मुलांचे हसरे चेहरे ग माई
दुःख सारे क्षणात नाहीसे च होई
अनेकांना अस्तित्व माझे सहन न होई
बालकांची आहे आवडती बाई...4
सौ. जयश्री अर्जुन मुंडे
अंबाजोगाई
