मनातलं दुःख लपवायला
खरचं खूप हिंमत लागते
कधीकधी मनातलं वादळ
अलगद् रोखून धरावे लागते
कितीही प्रश्न पडले आयुष्यात
उत्तर कोणाकडे मागायचे
समोर आलेल्या परिस्थितीशी
नेहमीच दोन हात करायचे
मन कितीही नाराज असले
जगाला हसूनच दाखवायचे
आपल्या वाट्याला आलेले भोग
निमूटपणे आपण भोगायचे
खूप संघर्ष करत राहणं
यालाच आयुष्य म्हणतात
माझ्याच वाट्याला हे का?
असे नको ते प्रश्न पडतात
आयुष्याच्या खडतर वाटेवर
अनेक माणसे भेटतात
बोटांवर मोजण्याइतकेच
आपले होऊनी जातात
जगात वाईट माणसांप्रमाणेच
चांगली माणसं सुद्धा असतात
फक्त शोध घ्यावा लागतो त्यांचा
जवळच्या माणसांमध्येच ते दिसतात
सौ. प्रिती सुरज भालेराव, पुणे
