भाऊ बहीण नात्याचा
श्रावण सण रक्षाबंधन ।
राखीचा बांधूनिया धागा
भाऊ करी आयुष्यभर रक्षण ॥१॥
उपमा नसे जगी तयाला
भावनांचे प्रेमळ बंधन
सीमेवर पाठवून राखी
सैनिक करती संरक्षण ॥२॥
राखी हातात कपाळी टिळा
आला नारळी पौर्णिमा सण ।
गोड विश्वास जिव्हाळा
भाऊराया ओवाळीते बहीण॥३॥
कृष्ण द्रोपदी हुमायू कर्णवती
इतिहासात कित्येक उदाहरण ।
अखंड प्रेमळ निर्मळ सोबती
ऋणानुबंधाचे नाते मनोमन ॥४॥
सौ. अमिता अरविंदराव घाटोळ,
अकोला
