हरी नामाचा जयजयकार
हळूच येता ह्रदयात कळ
सोडून सोयऱ्यांचा दरबार
भक्तात पसरली हळहळ
नामसंकिर्तन मांडूनी सोहळा
सावळा श्रीहरी देखीला डोळा
पारणे फिटले जन्मोजन्मीचे
नाहीच दर्पण जातीपातीचे
नव्हतेच सोपे देव घडणे
अन् देवाला अंतर्धान पावने
रसाळ अमृतवाणी मधूनी
विठ्ठल विठ्ठल रस ओतने
होत्याचे नवते झाले
तरी वैकुंठ गमन केले
नरदेह नश्वर असूनही
आत्म्यास अमर केले
किर्तनात त्यागीला देह
हे पुण्य कसे कमविले
सांगा संत ताजोद्दीन
देव वर्णी कशी मिळविले
सोनाली रामलाल रसाळ,
कापूसवाडगाव, ता. वैजापूर
