अवघ्या महाराष्ट्राला
माहित असणार नाव
लहानथोर सर्वांनाच
प्रिय असतो वडापाव
चणा डाळीच्या पिठामध्ये
हळद आणि मीठ घातले
वडापाव बनवण्यासाठी
बॅटर आता तयार झाले
बटाट्याच्या भाजीशिवाय
वडापाव कसा बनेल
आंबटगोड अशी मस्त
चटणीही त्याला शोभेल
झणझणीत भाजी केली
सुवास असे त्याचा आला
काय सांगू थाट त्याचा
दूरवर सुगंध पसरला
कितीही श्रीमंत असला माणूस
आवर्जून वडापाव खातो
गोरगरीब देखील कधीपण
हातगाडीवर नेहमी थांबतो
एक घास खाल्ला त्याचा
तोंड सगळ्यांचे खवळते
कितीही खाल्ले ना वडापाव
अजून एक खाऊच वाटते
खाण्याची तल्लफ झाली
भरपूर वडापाव खाल्ले
पैसे द्यायची वेळ आली
सगळेच मागे सरकले
काहीही असो खाल्ल्यावर
सर्वांनीच तृप्तीची ढेकर दिली
खूप वर्षांनंतर आज मला
वडापावची पार्टी आठवली
सौ. प्रिती भालेराव, पुणे
