करण्या सोन्याची नगरी
भोळा आवतरला जेजुरी
म्हाळसा असूनही पदरी
जीव जडला बानूवरी
काय सांगू बाई देवाचं
करू गाऱ्हाणे की गुणगान
कैलास पर्वताचा धनी
करी शेळ्या मेंढ्याची राखण
भोळ्या बानूच्या मागे देवा
हिंडतो दऱ्या खोऱ्यात
कौतुकाचा तो मानकरी
बसला जाऊन धनगरात
भक्त भोळे देवा तुझे
पुजिते भाव भक्तीने
भक्त बानू होऊन लोकात
अवतार घेतला स्त्री शक्तीने
घेऊनी खोबरे प्रसाद
उडवी भंडाऱ्याचा भडका
बानू आणि म्हाळसा दोघींचा
आसे मल्हारी मार्तंड लाडका
देवाने घेऊनी अवतार
केला धनगर कुळाचा उद्धार
भक्त करती जयकार
यळकोट यळकोट जय मल्हार
सोनाली रामलाल रसाळ,
कापूसवाडगाव, ता. वैजापूर
